O Concello de Santiago de Compostela, a través do departamento de Emprego e o CEXTEC (Centro de Excelencia Tecnolóxica, Emprego e Coñecemento de Santiago de Compostela) organiza un ciclo de xornadas sobre o emprego, o talento e o desenvolvemento económico, en que axentes do tecido produtivo e da comunidade investigadora de Compostela transmitirán os seus coñecementos e iniciativas na xestión do talento para innovar, mellorar a produtividade e crear emprego de calidade.
Para asistir á xornada é preciso a reserva previa dunha praza gratuíta mediante esta web.
Información sobre o obradoiro de empregabilidade con FINSA
A xornada terá un formato de relatorio divulgativo atendendo ao público obxectivo, incorporando aquelas dinámicas prácticas que contribúan á aprendizaxe das participantes.
Obxectivo xeral
Dar a coñecer os perfís profesionais e as competencias para o emprego que máis se valoran na empresa.
Obxectivos específicos do obradoiro
- Achegar a realidade da empresa ás persoas.
- Coñecer as perspectivas de emprego e os perfís requiridos pola empresa.
- Reflexionar sobre as competencias necesarias para a mellora da empregabilidade.
- Axudar a desenvolverse con éxito nos procesos de selección.
Público destinatario
A xornada diríxese a persoas desempregadas con estudos de bacharelato, ciclos de formación profesional (ou equivalentes), ou ben con experiencia no ámbito industrial.
Relatoras
Gisela Mato
