Premios CEXTEC 2020
Covocaranse no Curso 2019-2020 os premios Talento e Excelencia para recoñecer os proxectos ou organizacións que poñan en valor a xestión do Talento, que serán dotados con financiación destinada ao seu desenvolvemento.
Obxectivos dos Premios Talento e Excelencia de CEXTEC
O Centro de Excelencia Tecnolóxica, Emprego e Coñecemento (CEXTEC) do Concello de Santiago de Compostela, cofinanciado polo Fondo Europeo de Desenvolvemento Rexional da Unión Europea dentro da Estratexia de Desenvolvemento Urbano Sustentábel Revive Santiago, ten entre os seus obxectivos:
- Incentivar a realización de estudos académicos relacionados co emprego, a xeración de emprego e a xestión do talento, así como favorecer a difusión do coñecemento xerado e, en definitiva, apoiar o desenvolvemento produtivo local, a creación de emprego e un modelo de xestión do talento que estimule a súa atracción e retención.
- Incentivar e recoñecer as boas prácticas na xestión do talento por parte das empresas de Santiago de Compostela, así como favorecer a difusión desas boas prácticas para apoiar o desenvolvemento produtivo local e a creación de emprego no marco dun modelo de xestión do talento que estimule a súa atracción e retención.
