O CEXTEC presenta un novo estudo “A xestión do talento na empresa de Santiago de Compostela e área de influencia 2021”
Consulta o estudo premendo no seguinte enlace:
A xestión do talento na empresa de Santiago de Compostela e área de influencia
Observatorio do Talento CEXTEC, 2021
Nunha sociedade tan competitiva como a actual as habilidades e destrezas do capital humano marcan a diferenza entre as empresas, pois as persoas e o seu talento son a clave de calquera organización para acadar os seus obxectivos.
Se Compostela quere ser unha cidade de oportunidades e innovación que xere cada vez máis e mellor emprego debe ser quen de atraer e xestionar o mellor capital humano, para o que resulta fundamental que as empresas e demais organizacións presentes no territorio estean enfocadas cara a xestión do talento.
O Concello de Santiago de Compostela realizou unha aposta firme polo talento na empresa ao poñer en marcha o Centro de Excelencia Tecnolóxica, Emprego e Coñecemento (CEXTEC), un organismo que pretende ser unha gran rede integrada por institucións públicas e privadas, coa finalidade de desenvolver proxectos ligados ao talento e o emprego na cidade. Está financiado por Santiago EDUSI (Estratexias de Desenvolvemento Urbano Sustentable Integrado) “Revive Santiago” e polo fondo Europeo de Desenvolvemento Rexional (FEDER) – Unha maneira de facer Europa, e conta co apoio directo da Universidade de Santiago de Compostela.
