Santiago acollerá a próxima semana o 4º congreso internacional de recursos humanos

/in

A APD (Asociación para el Progreso de la Dirección) organiza o 4º congreso internacional de recursos humanos, en Santiago de Compostela, baixo o título “As persoas son o camiño”.  Miles de directores/as de RH e CEO de empresas foron convocados para un encontro, que se desenvolverá os días 6 e 7 de outubro, cun completo programa en que se reflexionará sobre todos os desafíos que afectan á área de recursos humanos.

Neste congreso, o Concello de Santiago patrocina unha charla sobre a xestión do talento en que estarán Santiago Rey (CEO de Televés), Patricia de Blas (HR Manager de Beam Suntory), Ramón Torrelledó (Director de Orquesta) e Faustina Martínez (Xefa de Administración de Persoal, Compensación e Beneficios e Servizos Xerais). O acto será moderado polo editor Henrique Alvarellos.

O CEXTEC está enviando invitacións ás entidades e empresas colaboradoras da súa rede para que poidan participar como asistentes sen custe neste evento, xa sexa de xeito presencial ou dixital

 

 

 

BRICOMART PROTAGONIZA A CUARTA XORNADA DO CICLO “O TALENTO COMO MOTOR DE CRECEMENTO”

/in

O mércores 15 de setembro celebrouse a que xa é a cuarta xornada do ciclo “O talento como motor de crecemento” organizado polo CEXTEC, nesta ocasión protagonizada pola empresa do polígono da Costa Vella BRICOMART. Tivemos connosco a Xesús Pérez Vilar, xefe de sector e impulsor de talento e contratacións en Bricomart Santiago. Dun xeito dimámico e participativo, ao longo de dúas horas, tratáronse aspectos organizativos da empresa, identificáronse os perfís máis demandados e as competencias máis valoradas, aclaráronse cales son as fontes de recrutamento e explicáronse as características dos seus procesos de selección.

                  

A xornada desenvolveuse no salón de actos do edificio municipal Cersia, que contou coa presenza de máis de 60 asistentes. Despois do relatorio houbo unha ampla participación do público na quenda de preguntas.