PROXECTO “GIRA MUJERES” DE COCA-COLA

O pasado 25 de xaneiro o CEXTEC acompañou a presentación do Informe GEM Galicia 2020-2021 No acto, desenvolvido no Auditorio Centro Obra Social Abanca de Santiago de Compostela, interviñeron Juan Manuel Vieites, presidente da Confederación de Empresarios de Galicia, María Sande, xefa de comunicación da Área Noroeste de Coca-Cola Europacific Partners Iberia, e Isabel Neira, profesora titular do Departamento de Economía Financeira e Contabilidade da Universidade de Santiago de Compostela.

A xornada, que serviu de presentación dos principais datos sobre o emprendemento feminino en Galicia, enmárcase na posta en marcha dunha nova edición do proxecto “Gira Mujeres” de Coca-Cola. Trátase da sexta edición dun programa de capacitación e formación para o emprendemento dirixido a mulleres de entre 18 e 60 anos que estean interesadas en emprender en sectores como o da alimentación e as bebidas ou o do ocio e o turismo. Amplía información sobre o proxecto aquí: Folleto 2022 Gira Mujeres_FM